سمير زاهر: أي لاعب هسجل اهداف في مرمي الزمالك في السوبر هيتوقف 6 شهور.
عبد المنصف: انا هلعب السوبر ولو اي لاعب قرب من الجون هعمله محضر في القسم.
احمد شوبير: قرر اتحاد الكرة السماح للزمالك باللعب بـ15 لاعب تحقيقا لمبدا تكافؤ الفرص (مبسوط ياممدوح بيه) لوعايز تخليهم 16 نخليهم ولا يهم .
مرتضي منصور: انا معايا الملف الاسود بتاع الحكم عليه قضية اختلاس في بنين .
جمهور الزمالك: احنا نخلص من بشير يطلعلنا عبدالله.
مدحت شلبي للزمالكوية: ياجماعة مش عايز الهزيمة تغيركم لازم تصوتوا لصالح ممدوح بيه عباس ده حتي عباس الابيض ينفع في اليوم الاسود ومساء الانوار.
طارق يحيي: لمحمد حلمي نفت بجلدك كنت فين يا لا لما قلت اه اه اه.
بندق: احمد حسن اتصل بعبد الواحد الساعة 1 الظهر وقاله اي كورة اشوطها تفوتها وانتم عارفين احمد حسن كبتن المنتخب واثر علي عبد الواحد.
وليد دعبس: يتصل بعلاء صادق ويقوله سياسه القناة لاتسمح باعادة اهداف الاهلي وانا رئيس القناة واطلع زي منا عايز قناتي وانا حر فيها.
والكلام ده من قلب أهلاوي
1 - عمرو زكي : يا بني إنفد بجلدك وإخلع بقى قبل مرتضى ما يستصدر حكم ببطلان عملية البيع ويرجعك مركز شباب ميت عقبة تاني وبعدين هاتروح فين من وائل جمعة وحسام عاشور دول هايكتفوك هايكتفوك وإسأل حبيبك أجوجو ....ههههه كان غيرك أشطر
2 - عماد متعب : ولا يهمك يا متعب أهو الأهلي موجود وهايطلع بريستول ده إيه جنب الأهلي وإسأل أحمد حسن الذي كتب عنه موقع الفيفا بمجرد لعبه مع الأهلي . يا عماد بصراحة انت خسارة فالنادي الدرجة تانية ده
3 – المندوه الحسيني : عبده حريقه
4 – تصريحات الزمالك بعد السوبر : بطولة الدوري هي الأهم وعلينا التركيز فيها .
5 - ممدوح عباس : يا عم روح إشتريلك كرسي ولا إتنين لحديقة النادي بدل إللي إبن مرتضى منصور قاعد يعايرك بيهم
6 - إسماعيل سليم : علي سبايسي
وميعادنا اليوم في السوبر وصفقات الأهلي الجديدة العجيزي ودروجبا وحسين علي
هاتولع هاتولع .... وراجعلكم ابوتريكه ....واللي خايف يروح الأهلي بيطوح
عاجل إلى :-
1– ممدوح عباس : عملتلي فيها القرموطي وقلت هاجيب زاكروني وأل كابوني معلش احنا بنتكلم اهو جالك مرتضى واللي أخد منك الفيل قادر يرجعهولك
2 – الكابتن مدحت شفافيه : ممدوح عباس طار وماعدش فيه شاي بالياسمين ومساء الانوار
3 – هاني سعيد : هاتلعب معاهم إزاي بعد إتهامات البلطجة ومية النار دا حتى لقاء سويدان دخلتك في قضية رأي عام مع سيد شكمان ورفاقه . عموماً جماهير الأهلي هتفضل تحبك لأنك وقعت في الأسر بسبب إتحاد الشاي بالياسمين .
4 – د . علاء صادق : أصبحنا نحجز مقاعدنا أمام البرنامج لأنك إعلامي محترم وشريف ولا تشرب الشاي بالياسمين نصيحة لا تلتفت لمداخلات وليد دعبس فأنت من أعطى للقناة مصداقيتها وجماهيريتها . وسيهرول اليك الباقون بداية من سمير زاهر واحمد سليمان وقريبا ( الطاووس )
5 – مرتضى منصور : أحبك يا مورتا علشان راجل مقاتل ومابتسبش حقك ونفذت كلامك وولعتها .....إوعى السخن
6 – مانويل جوزيه : مش عارف أقولك إيه حقيقي انت غالي ربنا يخليك لينا يا كنج
7 – حسام عاشور : الله ينور عليك يا قلب الأسد ايه الأداء الرفيع ده حقيقي قطعت الميه والنور وفصلت بين الخطوط ولغيت خط هجومهم وقمت بتحييده
الأحد يوليو 27, 2008 6:34 pm
